بنگلورو،13؍جون(ایس او نیوز)پبلک سیکٹر ہندستان ایروناٹکس لمیٹڈ (ایچ اے ایل) کے تیار کردہ تین ایڈوانس لائٹ ہیلی کاپٹر(اے ایل ایچ ایم کے۔3) کو ہندوستانی بحریہ میں شامل کیا گیا ہے۔

ایچ اے ایل کے ذرائع نے ایک بیان میں کہا، ہیلی کاپٹر، جو ALH MK-3 پروگرام کا حصہ ہیں، کو بھوونیشور، پوربندر، چنئی اور کوچی میں رکھا جائے گا اور کوسٹ گارڈ کے مختلف ہواباز دستوں کا حصہ ہوں گے۔ یہ تبادلہ کارروائی دہلی میں سکریٹری دفاع ڈاکٹر اجے کمار کی موجودگی میں انڈین کوسٹ گارڈ کے ہیڈ کوارٹر اور بنگلور میں ایچ اے ایل ہیلی کاپٹر ایم آر او ڈویژن میں ایک ساتھ ہونے والے ورچیول پروگرام میں انجام پائی۔

انہوں نے کہا، جو جدید ہیلی کاپٹر آج پہنچائے جارہے ہیں وہ مستقبل قریب میں آئی سی جی کی آپریشنل صلاحیت کو تبدیل کرنے جا رہے ہیں۔جدید ترین سینسروں سے لیس نفیس ہیلی کاپٹر آئی سی جی کو چیلنج دینے والے کام انجام دینے کے اہل بناتے ہیں۔

انہوں نے کہا، 'ہندوستانی ہوا بازی کے شعبے میں پہلی مرتبہ کارکردگی پر مبنی لاجسٹکس متعارف کرایا جارہا ہے، جو انتظامیہ کا ایک جدید طریقہ ہے جو آپریشنل اور بحالی کی استعداد کار میں اضافہ کرتا ہے۔یہ ہیلی کاپٹر نفیس سازوسامان سے آراستہ ہیں جیسے نگرانی کا راڈار، الیکٹرو آپٹک پوڈ، میڈیکل انٹیفائر، اعلیٰ شدت کی تلاشی کی روشنی، ایس اے آر ہومر، لاؤڈ ہیلر، مشین گنیں اور آپریشن میں کلیدی کردار ادا کرسکتی ہیں۔